2012年2月21日星期二

一條毛裏見蠢驢

網上照片:顯微鏡下的沙粒
剛剛在 文少 嗰邊留咗個言,都係講尋日遞咗表隻唐狗。

文少話唐英年在僭建門嘅回應,係超低能白痴嘅,話如果真係出自佢班智囊軍師,就只有兩個可能,一就係班友全是低能白痴,二就係班友存心靠害。

我睇完就咁回應:

肯定係第一個可能咯,嗰班人其實好蠢架,由 day1 開始幫唐狗,唐狗就冇句精警同合邏輯嘅話,一粒砂裏看世界,一條毛裏見蠢驢,睇晒!

呵呵,「一條毛裏見蠢驢」,我作架,率先喺度寫文發表咗先,在搜尋器攞番個造句嘅知識產權,唔係好似以前諗出黎嘅「有如果無垃圾婆」,「冇喇喇多笪痂」,仲有一啲唔係好斯文嘅,冇證冇據,原創無聞咯!
.
.
哈哈,睇到喇:


.
.
.
.
.
.

26 則留言:

Ebenezer 說...

哈哈,祝你句野好快家傳戶嘵^^

L L 說...

呵呵,希望喇,第時有人搜尋哩句,都知道吓原來係個無聊阿伯諗嘅 XD

largeheadboy 說...

咁我又得閒造番一句先~ ^^

L L 說...

好呀,齊齊做語言創造師,攞番個知識產權 :p

新鮮人 說...

只怕佢蠢到毛都無一條喳。

嘿嘿 說...

哦~ 原来是这么玩法! 嘎嘎嘎~

L L 說...

新鮮:

即係佢仲蠢過隻驢 XD




嘿嘿:

係咁玩架,寫的好玩嘢上網,即刻在搜尋器打咗個印咯!

卡臣 說...

恭喜你先人牙慧,好嘢!

l.minor 說...

以圖為証,你係作者

韻味熊貓 說...

一條軟鞭見蠢驢!嘻嘻!

the inner space 說...

所謂:潘驢鄧小閒,驢的一條可不是小話兒!

L L 說...

卡卡:

你創造的警句、佳句仲多喇 :)




minor:

呵呵,其實同啲獅子老虎喺地盆留低啲氣味冇乜分別 ^^




佛爺:

那不單止係蠢驢,仲係死驢添,坊間有云:戇、笨、死,都可配上某詞 XDDD




inner:

可不小,但若是笨和死的,雖是驢亦兮以為 ^^

五珍 說...

講得好啊校長,咁嘅人當選,都不知要幾多人上街,班商賈真係置香港人嘅幸福不顧。

L L 說...

揾到錢就以為自己乜都醒,哩個正係哩班友嘅死穴!唐狗已經犯眾憎,但佢自己同捧佢班友都以為冇事,實在係超低能勁白痴的諗法。

五珍 說...

校長你這句「一條毛裏見蠢驢」,是脫胎自William Black的「一顆沙裡看世界」啊﹗
To see a world in a grain of sand, and a heaven in a wild flower. Hold infinity in the palm of your hand, And eternity in a hour.
高手﹗

L L 說...

kekee, 過獎喇,其實我係個貪玩嘅捉挾王,讀書時都幾曳架我,有時作埋啲唔等駛嘅俚語,叫做自娛一下咯 :p

文少 說...

在我眼中﹐梁唐只係海軍鬥水兵...
又﹐我依然堅持呢招唔似係公關策略﹐因為太啟智﹐唐營中人唔少做過PR同廣告﹐無奶油睇唔出死位係邊。

L L 說...

我一直有睇梁發表過的文章(當然有可能是槍手),識見是唐狗窮十世都追唔到的,所以我認為在現時環境,沒有人會比梁適合。

我在職場這麼多年,見過唔少望之似人才,事實乃蠢材之輩,欺世盜名的人實在太多。

傳媒中人有叻嘅,不過真係太少,唐營搞唐狗愈搞愈似死狗,事實告訴我們是如何的廢!

Armadillo 說...

哈哈,我都話啦,唐唐班智囊嘅真正身分其實係*囊*袋囉!

L L 說...

哈哈,係 C 囊 Fan 袋 XDDD

Armadillo 說...

哈哈,好似通識題咁,嗰兩粒星星係唔會有標準答案嘅!以我咁粗鄙,答案就會係「陰」同「春」囉!

L L 說...

kaka, 佢班所謂智囊有啲係女黎架!

文少 說...

我亦有睇過CY發表過的文章﹐先不論這是否團隊之作﹐他似乎想有所作為﹐但他並未能從現象/亂象中看出問題的本質。
或許﹐他不是不知道只是不敢說出來﹐或者說出來也沒用﹐因為一些深層次矛盾和結構性問題﹐他根本無力改變。
因此﹐我真是看不出他的管治理念高明之處。

至於唐唐﹐我對他管治理念的理解﹐真是很有限﹐我真的不敢斷言﹐他或其陣營是否真如你所言﹐低CY十倍。

我只會說唐營打輿論戰的能力﹐比梁營低﹐但梁營本身也高不了多少﹐只是對手太弱而已。

主要來自那次南早訪問﹐但我認為他的管治思維﹐跟現屆政府差別不大﹐基本上是蕭規曹隨﹐繼續奉行小政府主義和積極不干預主義。
當然﹐用回舊一套﹐香港那些深層次矛盾和結構性問題﹐還是不會變的。
可是﹐從當前的環境下﹐我認為現在不是變的時機。
我更擔心的﹐是有人重蹈老董的覆轍。

L L 說...

我反而覺得若唐英年當了特首,香港政府向商界利益傾斜會更甚,畢竟挺唐的多是富豪商賈,其實已反映了唐英年將來施政的方向。

記得董治時,曾有一幢樓宇向海是私樓,向山是居屋的構思,那當然行不通,有人說那是 CY 的想法。海濱南岸的前身紅灣半島,也是靚地起平民居,也有人說是 CY 的想法。辜且不論這理念的好與壞,但明顯他對居住問題另有想法。

早前他提出開發百分一土地起屋,讓一百萬港人較容易買樓,明顯就是走現在政府不同的路。提供大量土地會沖散樓價,香港地產大孖沙反梁也就正常了。

也許,這就是他與唐英年不同的地方。

Unknown 說...

正句~~~~~

L L 說...

謝謝艾德 :)