2011年10月7日星期五

病假王

收到學校發出的病假紀錄,過去 10 年,我共請了 5 天病假,而最近 4 年都是 0 病假。

這使我想起早前入境處事務助理被控竄改病假證明的事,這人為了騙取半日假期,不惜竄改文件,結果被裁定偽造文書罪成,被判囚兩個月,緩刑一年。原來這人報稱長期患病,過去 10 年合共請了 1,711.5 天病假,若連同公眾假期及年假,他過去 10 年放假多過上班,但薪水照出。

竄改文件騙假期,這人誠信如何大可想像了,所以那 10 年請病假 1,711.5 日,都是假病的居多。這尸位素餐怪現象只可能在政府機關出現,若是私人機構,這人早就被裁走了。

冰山從來只冒出一角,發現這條大懶蛇,背後該還有千百條大懶蛇,另外還有一些沒多請假,但上班卻蛇出去歎茶,做 gym, 逛街,賭錢,返家午睡。政府機構臃腫,管理散漫,納稅人就做了寃大頭,白花花的錢上養廢官,下養懶蛇,真的無謂。

4 年無病假,我是很久沒看醫生了,雖然自我感覺良好,但連自己的血壓讀數如何,都不知道。沒事都要找個醫生看看罷,是美女的醫生就更好了!
.
.
.
去年今日:戴帽令我想起海螺溝
.
.

18 則留言:

新鮮人 說...

所以每次我聽到有人講"香港的公務員係世界一流的團隊"時我就火都黎埋,
由我做細路到依家遇到咁多公務員,
可以講超過百份之六十五係懶人,
求其夠鐘鬆人的冗員,
佢地年年話加人工,
做評核又話會助助擦鞋文化喎,
最好唔洗評,
年年升年年坐係度等加人工,
聽見真係想搵把刀斬佢地呀!!!

L L 說...

haha, 其實我都想斬...

但新鮮,去斬大舊叉燒,飽吓肚算了!

「香港的公務員係世界一流的」,只能形容一小部分公務員,全稱嗎?不配咯!

Coffee 說...

你的身體好好呀!一定是的!

L L 說...

kekee, 托賴咯!

naruto 說...

香港的公務員(蛇王)係世界一流的

Armadillo 說...

哈哈,我就冇記住請咗幾多日病假嘞。我啲病假都係半日起一日止,多數都係眼瞓病(唔知醒)或者爛賭病(打完通霄牌再俾人上訴)。其實喺任何機構都有濫用病假嘅情況,不過喺私人機構,只要做嘢交到貨,而又唔係呃得太離譜,老細通常都會隻眼開隻眼閉。至於政府機構係點,我就唔知嘞。

匿名 說...

同我一樣,不請病假的!苦命!

L L 說...

naruto:

香港人出晒名識走精面嘛,所以部分公務員蛇王一流真係唔出奇!




Arma:

以前喺睇 O&M 都係咁文化,開咗通宵第朝唔番係完全冇人質疑,總之搞掂個 job 就得。但你睇哩個公務員就知其實佢地好鬼離譜,啲友郁啲就話病,你懷疑佢又話殘疾歧視,啲部門阿頭聽到又驚上身又怕煩於是唔理,爛文化就咁黎咯!




牛牛:

係就係苦,不過心安理得最重要!

卡臣 說...

祝你遇上靚護士

eric 說...

香港嘅公務員算喺好好㗎啦,起碼冇外國嘅(英美加我都領教過)咁死蠢!

韻味熊貓 說...

校長:

公務員懶到出汁,全世界都一樣,只係希臘的公務員去到登峰造極而已!

火女 說...

爸爸:

同意心安理得最重要!

好怕有同事郁d就請病假, 要其他人做埋佢果份!

Unknown 說...

you are so hard working~~~

L L 說...

卡卡:

講起靚女護士,我有啲舊生都喺診所做緊,真係去揾吓佢地先 ^^




Eric:

連英美加就蠢,東南亞就 hea, 香港就蛇,真係死得!




佛爺:

希臘嘅就惡,你郁我?你死梗喇,話之你國家死人冧樓破產,你之前俾我太多,係你政府死蠢啫,總之要番咁多。問老德借嗰啲,咪鬼還喇,驚佢有牙?

哈哈,哩啲咪所謂民主政制所謂普選帶黎嘅公義社會咯!




女女:

我仲要向學生負責呢!我請假,進度又逼迫咗,雖然學生都好想老師請假 ><




熱男:

我有時放假都唔知做乜好,keep 住番工 keep 住狀態,都係好架!

匿名 說...

祝你遇到靚女醫生!

自由

L L 說...

小行:

諗落都係唔得,見到靚女醫生,血壓實向上颷喇,check 都係白 check !

五珍 說...

我們都不想同事請病假,但有時又巴不得自己病一下,真矛盾。

L L 說...

我都係,最好喺唔傷身又可以揾到出边好嘅代課老師,又係必須請假咁休息吓!

但但好難咯!