2011年9月29日星期四

打風無大 deal

股市停市,唔駛及住我的雞碎股;法庭未開工,外傭居港權單嘢未克公佈;今日嘅爽報更應該係,風流總被雨打風吹去,呵呵,冇嘢要諗,好優悠的一天!

踱去商場食早餐,有啲員工冇上班,餐廳踢晒腳,等食物等到爆。食完後去行惠康,今日香蕉冇减價,但有幾 pack 包好嘅還是平了兩文,抵買!恵康嘅 Aloha 香蕉比百佳嘅 Del Monte 蕉好食多了,番到屋企二話不說就趙了兩隻!

泡杯三冬茶,陷身那爛鬼舊梳化嘆報紙,坐咗咁多年都有我嘅人形記憶咯,真係好鬼熨貼,哩家嘢,竟然係舊人總比新人好!

倏然想起,去完內蒙古旅行番黎已經個幾月了,十八天嘅遊記仲未寫晒,冷落了那本來濃烈的感覺,有點不足,有點歉疚。

.
.
.

11 則留言:

Armadillo 說...

哈哈,偷得浮生半日閒,真係天公造美呀!

Ebenezer 說...

Oh!原來你張梳化,同我冇耐前丟鬼咗果張一樣樣架:)

L L 說...

Arma :

係呀, 好鬼優閑, 依家去左打牌食飯, 快開檔啦, haha!




Eben :

這麼巧 ? 好鬼好坐架 :p

Coffee 說...

我一直以為恵康嘅同百佳賣一樣嘅香蕉:p

講起梳化,之前我張舊到爆開七彩(但真係好好坐!),終於的起心肝買過張,我在實惠試坐啱了一張,俾$時個sales話新梳化一般沒有陳列的那種效果,起碼要坐半年至一年才坐出像陳列品那樣,我信咯(當時),而家坐成年了,張梳化全沒有陳列那種坐落深軟的感覺,咯~!

(不過我張梳化使用率不太高又可能係原因,但如果要買梳化,記住如果他/她們說新時沒有陳列的效果,三思,效果完全唔一樣!)

Unknown 說...

期望你的十八天遊記~~~

L L 說...

Coffee:

可能陳列品是另外做出來的媒!買嘢真係好講緣。

Aloha 一定好食過 Del Monte!




熱男:

去到尾聲了。先排 818 事件都忍到唔中斷,但見到爽報就忍唔到了!

largeheadboy 說...

我都覺得 aloha 蕉好味過地捫
dole 都好得架

韻味熊貓 說...

校長:

這篇的主題英文字,語出雙關呀!英文意思是無大事,廣東話發音就令人意會,無鬧人呀!嘻嘻!

L L 說...

大頭哥:

um, 同意, Dole 我都鍾意 :)




佛爺:

no big deal 咯,呵呵!因為逢 big deal 都要小心謹慎,如臨深圳如履薄冰,才不會把事工搞砸 XDDD

自由行 說...

尋日晨咁早醒左瞓唔返><

L L 說...

haha, 蝕咗!

我有個舊同事唔知真定假,話尋日十點幾自然醒,以為死啦遲到,點知原來唔駛返!