2010年7月3日星期六

是睇通還是造假

.
昨天開了八個多小時會議,拖著疲乏的身軀參加了一位舊生的婚宴。席間有舊生打電話給英國的朋友,問賭波公司的開盤情況,回復是那邊逢買巴西贏的都受注,買荷蘭贏的就轉投出去。

那舊生於是重槌買荷蘭贏,結果中了。是賭波公司眼光獨到,還是又一次假波?

宴會完了,有舊生起哄去睇波,結果一行十多人 (包括一個兩歲多的囡囡) 就去了附近的 Neway, 剛趕及看到荷蘭的第二個入球,重槌的舊生自然開心到飛起。結果擾擾攘攘,談笑聲、骰盅聲、歌聲,還有囡囡的笑聲與扭計聲,一直到烏拉圭加納開波不久才返歸。

昨天這幾重效應真的要了我的老命,斷斷續續昏睡了十三四個鐘意識才回過來。寫完這篇文,阿根廷德國又要開波了。我望德國贏!


連結:世界盃七大魔咒導致巴西出局
.
.
.
去年今日:虧負
.

17 則留言:

Armadillo 說...

德國大勝4比0,會唔會又係造假?

L L 說...

今次冇去收風呀!不過我一直睇好德國,但贏到四比O 真係有啲意外。

老馬唔駛裸跑 lu, 都好,免得獻醜人前嘛!

Ebenezer 說...

德國好有冠軍相,慢下手捧埋杯都未定!

L L 說...

佢地真係踢得掂,若攞到冠軍係應份,不過最怕反高潮,哩個世界乜都有可能發生!

Coffee 說...

校長︰

我幾個同事話自己開個盤,細細注估下冠軍誰屬喎,唔知校長有無心水?可否公開:p

L L 說...

一定睇德國,年輕、攻守兼備,環顧咁多隊冇隊有咁嘅殺氣!

肥貓 說...

laulong,

有沒有發覺今年好邪, 哪一隊被多人看好就會接著輸波, 不知道德國會否例外.

還有, 不論德國, 西班牙或烏拉圭也好, "唔該幚我殺左荷蘭隊, 好鬼嬲佢地淘汰巴西, 係呀! 我係巴西既fans, 仲要係好唔理志, 好死心嗰隻, 我依家仲好傷心呀! 嗚嗚~~"

L L 說...

haha, 荷蘭要贏烏拉圭唔難,咁殺敗佢幫你出氣嘅相信應該係德國隊。我幫你打氣吖,是關晨早我已經買德國捧盃,睇吓靈唔靈?

匿名 說...

校長:

收到風三點幾先散,唔好話你頂唔順,我聽到都想c 呀!哈哈。。

p.s. 聽聞當晚有funny 話題,超好笑!!

自由

肥貓 說...

感激流涕中......

L L 說...

吓?有乜 funny 話題?嗰晚已經好 funny 喇噃?

我未到三點閃咗 lu,喂,八黎聽吓!

L L 說...

貓姐:

放心,我加大 turbo, 加多幾錢肉緊,捉埋隻八爪魚幫手,隊...死...荷...蘭 )))))

匿名 說...

校長:

0個晚已經好funny ??? 喂。。分享下好喎。。。好笑野梗係要分享呀!
我知道既係'come on baby' 事件0羅!

自由

L L 說...

冇呀,funny 係開心啫,反而 係'come on baby' 我無印象噃!可能嗰晚飲多左,有啲嘢 miss 咗呀!

雪山飛狐 說...

德国今年真的很不错, 更让人吃惊的是他们阵中过半是25或以下的人. 像Schweinsteiger今年25已经踢过78场国家队比赛. 加上Özil, Mueller. 不只今年, 四年后他们一样是冠军大热.

L L 說...

咦,點解晏晝留咗言冇咗嘅?

小行,"come on baby" 係乜野事黎架,嗰晚我飲多了,混沌間可能 miss 咗!

L L 說...

對對,那是日耳曼重紀律的民族性使然,不像英格蘭、法蘭西、意大利、巴西,用關係去詮釋、支配與思考,結果因偏私、短視而成為死症。